क्याजु होई होलु रे आज ,
क्याजु होई होलु रे आज ।
किले होली रे आज रूसाईं ,
मेरी भाग्यनि ।
छुईमुई सी शर्मीली सी नाख्रियाली ,
मेरी बंदोला ।
मेरी प्यारी , मेरी गेल्याणी ।
किले होली रे आज रूसाईं ।
आयीं त छ उ धार मँगार ,
मीतें किले नि बचलियाई होलु ।
क्याजु होई होलु रे आज ,
बिन धै लगे बोड़ी किले वा ।
न त दीनी रन्त रैबार , न समूण कै मा ।
सासा लागैकि मीतें रुमणैकि ,
जाणि कुजाणी कख जै वा ।
मेरु क्वांसूं शारील खुदेण प्राण ,
रूढ़ियों का ये धाम मा ।
धारू धारू बाट अबाट , रयों मी वीं खोजदा ।
✍🏼ज्योति प्रसाद रतूड़ी
टिप्पणियाँ
एक टिप्पणी भेजें