खुद बिसरियाळी मीन ,
तेरी याक झलक , जु दिखी मीन ।
बरसू बटी समाळ्याँ थाँ जु आँसू ,
सी आज पलकुं म , टबळॉण लगीन ।
कभी खूटियों म पराज़ , कभी गौळा म बाडूली ।
त्यारा नौ ली ' क , थम सी जाँदी हे गैल्याणी ।
गैल्याणी रे ! तू किलै नी , ऑन्दी रे मायली इं बयार म ।
छळकणुँ छ प्यार हाँ । २
ऐजा रे ! , ऐजा रे , हे भाग्यानी !
माया म , हमू द्वी रोळी जौंला ।
लुपटेक हम द्वी , प्यार अपणु अमर करि जौंला ।
ऐजा दौं रे , हे भाग्यनि ! माया म , हमू द्वी रोळी जौला ।
प्यार हम अपणु , अमर करि जौला ।
✍️ज्योति प्रसाद रतूड़ी
टिप्पणियाँ
एक टिप्पणी भेजें